Fina Rei é un obradoiro de repostaría artesanal de Allariz con máis de cincuenta anos de historia. A súa tenda reúne produtos tradicionais, bombóns, chocolates, turróns, agasallos e creacións propias nas que o produto, a presentación e a identidade teñen tanto peso como o propio sabor.
Aquí non servía unha tenda xenérica cun logotipo colocado enriba.
A interface deseñouse á medida do que a marca quería transmitir: tradición, historia, coidado, calidade e unha forma artesanal de facer as cousas. A estrutura multilingüe organiza o catálogo por familias de produto e facilita explorar coleccións moi diferentes sen perder a coherencia visual. O blog, a historia do obradoiro e os contidos sobre sustentabilidade e personalización completan unha experiencia que vai máis alá da compra.
Encargueime do deseño e desenvolvemento da tenda en liña, adaptando cada parte da interface á identidade de Fina Rei e procurando que o resultado fose atractivo, rápido e cómodo en móbil. Inclúoa porque representa ben o reto dun comercio electrónico no que non abonda con vender produtos: a web tamén ten que transmitir o valor, o coidado e a personalidade que hai detrás de cada un.
