— Deseño e mantemento de páxinas web con WordPress

Q: Por que cobras isto e non menos?

Porque non vendo un modelo cambiado de cor.Nunha web miña hai análise, estrutura, deseño, desenvolvemento, revisión de textos, SEO básico, velocidade, formación e soporte inicial.Seguro que hai ofertas máis baratas.Perfecto.Poden ser boa opción se buscas algo máis sinxelo. Eu son boa opción se queres unha web pensada con criterio e feita para durar.

Q: E se a metade do proxecto cambio de opinión?

Pode pasar.Por iso traballo por fases: diagnóstico, estrutura, deseño, desenvolvemento e lanzamento.Non se avanza sen validar antes o importante. Se algo non encaixa, revísase no momento correcto. O que non ten sentido é descubrir ao final que a web non representa o teu negocio.A improvisación sae cara.

Q: Podo aproveitar cousas da miña web actual?

Si, se pagan a pena.Antes de tirar nada, reviso o que xa tes: textos, páxinas posicionadas, contidos útiles, estrutura, URLs e posibles redireccións.O que non adoito conservar é a base técnica vella se está mal construída.A miúdo, o mellor xeito de facer unha web duradeira é comezar de cero.

Q: Que necesitas de min para empezar?

Tempo, información e implicación.Preciso entender o teu negocio, os teus servizos, o teu cliente ideal, a túa forma de traballar e o que queres conseguir coa web.Normalmente tes que participar en polo menos unha reunión, revisar propostas, validar fases e achegar información sobre o teu negocio.A web constrúoa eu.Pero o criterio tamén sae do que ti sabes do teu mercado.

Cantos clientes se che escapan cada mes porque a túa web non convence ?

A maioría das webs de autónomos e pequenos negocios son tarxetas de visita esquecidas. A túa debería facer outra cousa: transmitir confianza, explicar ben o que fas e axudar a que máis clientes dean o paso.

— Mira, este é o teu problema real

A túa web non falla porque sexa fea. Falla porque non convence

Hai un patrón que vexo unha e outra vez no meu día a día: negocios bos con webs que non lles traen nada. A miúdo, reciben visitas, pero ningún contacto. Ás veces invisten en publicidade, pero a páxina non fai o seu traballo.

Os clientes entran (se tes sorte), miran e marchan. Non atopan o que necesitan, non entenden ben a túa proposta ou non ven motivos para escribirche.

Pagas publicidade que leva tráfico a unha web que non convence. Iso non é facer márketing. É mandar xente a unha porta medio pechada.

Cobras ben porque o teu traballo ben o vale. Pero a túa web non acompaña. E cando a web parece barata, os teus prezos parecen moi caros.

A competencia que traballou mellor a súa web aparece antes en Google e ChatGPT, transmite máis confianza e queda na cabeza do cliente antes ca ti.

Unha web mal feita non é gratis. Págase en clientes que non escriben, chamadas que non chegan e oportunidades que nin sequera sabes que perdiches.

— Imaxina o cambio grazas a unha páxina web

Unha web que deixa menos dúbidas e atrae mellores clientes

Esta sección non vai de prometerche contactos por arte de maxia. Iso soa moi ben en LinkedIn, pero a realidade é máis seria.

Vai disto: que unha persoa chegue a entrar na túa web. E, se entra, entenda en poucos segundos quen es, que fas, para quen traballas e por que debería confiar en ti.

Vai de que non escriban preguntando cousas que xa deberían estar claras. Vai de que o posible cliente chegue máis informado, con menos dúbidas e con máis predisposición a contratarte.

Unha boa web fai parte do traballo antes da primeira conversa.

Explica os teus servizos. Ordena a túa proposta. Responde obxeccións. Transmite calidade.

E deixa claro que detrás hai un negocio profesional, non alguén que montou unha páxina nunha tarde grazas a unha IA de 20€.

— O proceso do deseño web

Un método para crear a túa web sen caos nin sorpresas

Cada fase ten un obxectivo definido e unha validación pola túa parte. Non se avanza sen revisar o anterior. Os prazos varían segundo o proxecto, pero a duración habitual está entre 4 e 8 semanas.

[01]

Diagnóstico

Reunión inicial, análise do negocio, mercado, competencia e cliente ideal. Saes cun orzamento, prazos realistas e un plan claro.

[02]

Estratexia e contidos

Definimos a estrutura da web, as páxinas, a mensaxe principal e a optimización SEO básica. Antes de deseñar, hai que saber que queremos dicir.

[03]

Desenvolvemento web

Creo unha web adaptada á túa marca, pensada para móbil e feita con WordPress cunha base sólida, rápida e preparada para medrar.

[04]

Lanzamento e formación

Publico a web, revisamos que todo funcione e douche formación para que poidas xestionala con autonomía. Inclúe soporte inicial.

— Servizo de deseño web

Tres pezas que separan unha web profesional dun modelo calquera

Análise de mercado e SEO técnico desde a base

Antes de deseñar visualmente a web, estudo o teu negocio, a competencia, os teus clientes potenciais e as palabras clave máis relevantes do teu sector. A web nace cunha estrutura pensada para ser entendida por persoas, por Google e polas intelixencias artificiais.

Deseño e desenvolvemento a medida

Nada de coller un modelo predeseñado, cambiar cores e a ver se hai sorte de que todo funciona ben. Deseño unha web adaptada á túa marca, aos teus servizos e ao tipo de cliente que queres atraer. Primeiro pensamos a estrutura. Despois construímos.

Velocidade, seguridade e mantemento

Unha web lenta, fráxil ou mal configurada acaba dando problemas. Por iso mesmo, deixo a base técnica preparada desde o principio: velocidade, seguridade, copias, actualizacións e un período de soporte para resolver dúbidas despois do lanzamento.

— Preguntas sobre deseño web

As dúbidas que case sempre aparecen antes de empezar

Pero garántesme que a web vai traer máis clientes?

Non.

E quen cho prometa está mentindo.

O que si podo facer é crear unha web ben preparada para captar oportunidades: estrutura clara, mensaxe traballada, velocidade, SEO básico, boa experiencia de usuario e unha presentación máis profesional do teu negocio.

Iso non substitúe o teu servizo, a túa reputación, o teu mercado nin a túa capacidade para atraer visitas.

Pero sen unha web ben feita, todo iso traballa con menos forza.

Por que cobras isto e non menos?

Porque non vendo un modelo cambiado de cor.

Nunha web miña hai análise, estrutura, deseño, desenvolvemento, revisión de textos, SEO básico, velocidade, formación e soporte inicial.

Seguro que hai ofertas máis baratas.

Perfecto.

Poden ser boa opción se buscas algo máis sinxelo. Eu son boa opción se queres unha web pensada con criterio e feita para durar.

E se a metade do proxecto cambio de opinión?

Pode pasar.

Por iso traballo por fases: diagnóstico, estrutura, deseño, desenvolvemento e lanzamento.

Non se avanza sen validar antes o importante. Se algo non encaixa, revísase no momento correcto. O que non ten sentido é descubrir ao final que a web non representa o teu negocio.

A improvisación sae cara.

Que pasa se algo falla despois do lanzamento?

Durante o período de soporte inicial respondo dúbidas e corrixo posibles erros relacionados co lanzamento.

Despois podes contratar mantemento mensual se queres despreocuparte de actualizacións, copias, seguridade e pequenas revisións.

A web é túa.

Sen ataduras.

Podo aproveitar cousas da miña web actual?

Si, se pagan a pena.

Antes de tirar nada, reviso o que xa tes: textos, páxinas posicionadas, contidos útiles, estrutura, URLs e posibles redireccións.

O que non adoito conservar é a base técnica vella se está mal construída.

A miúdo, o mellor xeito de facer unha web duradeira é comezar de cero.

Que necesitas de min para empezar?

Tempo, información e implicación.

Preciso entender o teu negocio, os teus servizos, o teu cliente ideal, a túa forma de traballar e o que queres conseguir coa web.

Normalmente tes que participar en polo menos unha reunión, revisar propostas, validar fases e achegar información sobre o teu negocio.

A web constrúoa eu.

Pero o criterio tamén sae do que ti sabes do teu mercado.

— Opinións de quen traballou comigo

Proxectos que xa están en liña

Unha web non vale polo ben que queda nunha maqueta. Vale polo que pasa despois: explícase mellor, xérase confianza e conséguense os seus obxectivos.

Desde o inicio entendeu ben os obxectivos, a dimensión técnica da iniciativa e axudounos a trasladala a unha web clara, rápida e visualmente coherente.Valoramos a súa capacidade para escoitar, adaptarse ás necesidades e achegar criterio propio.

Luis Antelo

Traballar con Anxo significa delegar con 100% de confianza o deseño web e saber que unha web que moitas veces está nun pequeno boceto, cobra realidade gracias a súa implicación, experiencia e capacidade de execución

Javier Boquete

Acompañounos, resolveu as dúbidas e buscou solucións adaptadas ás necesidades da comunidade. Non se limitou a executar o que pediamos: tamén propuxo melloras na organización dos contidos, na experiencia de usuario e no deseño.

Innovación Rural

— Antes de facer outra web calquera

Falemos da web que o teu negocio necesita de verdade

Envíame información sobre o teu proxecto e revisarei se ten sentido traballarmos xuntos. Se a túa web necesita orde, estrutura e criterio, pódoche axudar.