Xogalego é un catálogo de videoxogos dispoñibles en galego impulsado polo equipo de Recuncho Gamer. Nace para resolver un problema concreto: os en galego xogos existen, pero localizalos entre plataformas con información incompleta ou incorrecta non é doado.
Non se trataba de facer unha listaxe de títulos.
Cada videoxogo ten unha ficha construída con contidos dinámicos: descrición, plataformas, categorías, características, vídeos, galerías, recensións e ligazóns para xogar ou mercalo. As seccións aparecen ou desaparecen segundo a información dispoñible, e todo o catálogo pode explorarse mediante un buscador e filtros combinables. Moitos datos, pero sen obrigar a ninguén a rebuscar entre eles.
Encargueime do desenvolvemento web, da adaptación da identidade visual e da creación do modelo das fichas, do buscador e do sistema de filtrado. Inclúoo porque é unha ferramenta dixital real: ordena centos de títulos, fai visible contido que estaba espallado e permite atopalo rapidamente nunha web preparada para seguir medrando.