O Centro Veterinario Esteiro é unha clínica de Ferrol especializada na atención de cans e gatos. A web presenta o centro, o equipo e unha oferta ampla de servizos que inclúe medicina interna, laboratorio propio, radiografía, ecografía, cirurxía, tenda especializada e perruquería.
A interface constrúese arredor dunha identidade visual moi contida, co azul como cor protagonista e unha composición limpa que axuda a transmitir confianza, profesionalidade e proximidade. A galería permite coñecer as instalacións e ver o espazo no que se atende os animais, mentres que o blog serve para publicar contidos relacionados coa súa saúde e coidado.
Encargueime do deseño e desenvolvemento da web en galego e castelán, procurando que a navegación fose clara, rápida e cómoda desde móbil. Inclúoa porque representa ben unha web corporativa sanitaria na que o máis importante non é sorprender, senón explicar os servizos, transmitir seguridade e facer doado contactar co centro.
