Herrajes Martínez é unha empresa da Guarda especializada na fabricación e distribución de accesorios para cerrallaría, portas e carpintaría metálica. A web presenta a súa historia, as solucións a medida, as novidades e documentación descargable, ademais dun catálogo moi amplo organizado por familias de produto.
Pero a parte central do proxecto é a tenda profesional.
Centos de referencias categorizadas e preparadas para localizarse mediante navegación, filtros e busca. Cada produto conta coa súa propia ficha, mais o prezo non é igual para todo o mundo: varía segundo a tipoloxía e as condicións comerciais asignadas a cada cliente.
Ademais, non calquera persoa pode entrar e mercar directamente.
O cliente profesional necesita unha conta previamente aprobada. Unha vez validado, accede aos seus prezos específicos e pode realizar pedidos desde a propia web. Isto permite trasladar ao comercio electrónico unhas relacións comerciais que antes dependían en maior medida de chamadas, correos, catálogos e xestións manuais.
Encargueime do desenvolvemento da web, do catálogo e da lóxica personalizada de usuarios, prezos e compra. Inclúoa porque representa ben unha tenda en liña complexa que non vende só ao público xeral: adapta a experiencia a cada cliente e converte a web nunha ferramenta real de vendas para provedores, distribuidores e talleres.