Iago Fraga é consultor de produtividade para empresas, formador e creador dun amplo ecosistema de contidos arredor da produtividade intelixente. A súa web reúne servizos de consultoría, auditoría, mentoría e formación, ademais dun blog cun arquivo moi extenso e unha newsletter propia.
O reto non era só facer unha web nova.
Había que reorganizar unha traxectoria construída durante anos, adaptar a nova identidade corporativa e conseguir que persoas con necesidades moi diferentes entendesen rapidamente por onde empezar. A estrutura separa os servizos para empresas, a mentoría individual, a formación e os recursos gratuítos, e converte un volume enorme de coñecemento nun percorrido máis claro e orientado á contratación.
Encargueime de adaptar a identidade visual á interface e de desenvolver a nova web, traballando especialmente a xerarquía dos contidos, a presentación do valor profesional e a forma de explicar os programas de acompañamento. Inclúoa porque foi un proxecto especialmente enriquecedor: obrigoume a entender un negocio xa maduro, con moita autoridade e moitos contidos, con moito tráfico orgánico e axudarlle a ter unha presenza dixital máis ordenada.
