Javier Boquete é consultor de emprendemento e márketing para persoas autónomas, pequenas empresas e proxectos que necesitan converter unha idea nun negocio viable. A súa web presenta a experiencia profesional, os valores e unha maneira de traballar baseada no acompañamento directo durante todo o proceso.
O principal reto era facer tanxible un servizo que, a primeira vista, pode resultar abstracto.
A estrutura explica o seu método a través de pasos concretos: coñecer o público, analizar a competencia, definir a proposta de valor e establecer obxectivos. Tamén incorpora unha selección de empresas e entidades coas que colaborou, achegando contexto e credibilidade sen converter a web nunha sucesión de logotipos.
Encargueime do deseño e desenvolvemento da web en galego e castelán, procurando que a personalidade e os valores de Javier ocupasen un lugar tan importante como os propios servizos. Inclúoa porque representa ben o reto dunha marca persoal: transformar experiencia, criterio e acompañamento nunha proposta clara que unha persoa poida entender antes de manter a primeira conversa.
