Susi López ofrece acompañamento persoal e procesos de coaching para persoas que atravesan momentos de cambio, bloqueo ou dificultade. A web presenta a súa forma de traballar, os servizos, a experiencia profesional e diferentes vías de contacto, ademais de recoller testemuños de persoas que xa realizaron ese proceso.
A estrutura complétase cun blog sobre crecemento persoal e benestar e cun apartado de lecturas recomendadas, pensado para ampliar os temas que se traballan durante o acompañamento. A interface emprega diferentes capas, bloques superpostos e composicións menos convencionais, que no seu momento supuxeron un reto para conseguir que todo encaixase correctamente en distintos tamaños de pantalla.
Encargueime do deseño e do desenvolvemento completo da web. Inclúoa porque pertence aos meus primeiros anos como profesional e forma parte da evolución do meu traballo. Non representa exactamente como deseñaría hoxe, pero si amosa unha etapa, unhas decisións e unha maneira de resolver interfaces que me axudaron a chegar ata aquí.
