Crear unha web pode parecer misión imposible se non tes coñecementos técnicos. Dominio, hosting, WordPress, temas, plugins, imaxes, cores, tipografías… de súpeto todo soa importante. Esta guía está pensada para baixar iso á terra.
Nela explico os pasos básicos para poñer en marcha unha páxina web con WordPress: que necesitas contratar, como se instala, que debes ter en conta ao escoller un tema, que plugins poden axudarche e por que non deberías tomar decisións só polo prezo ou pola primeira recomendación que atopes en Google.
O obxectivo non é que sexas deseñador web nunha tarde. É que entendas o suficiente para empezar con criterio, evitar erros e tomar mellores decisións desde o primeiro día. Porque unha web pode ser sinxela, si. Pero sinxela non debería significar improvisada.